Oxumaq uşaqlarımızın həyatında mühüm rol oynayır. Məhz kitablar lüğətin genişlənməsinə, təxəyyülün və emosional zəkanın inkişafına kömək edir. Bununla belə, uşaqların yaşından, maraq dairəsindən asılı olaraq düzgün seçim etmək bəzən çətin olur. Bu sahədə valideynlərə bir neçə ipucu verməyə çalışacıq.
1.Yaş kateqoriyası: seçim zamanı uşağın yaşını və inkişaf səviyyəsini nəzərə alın. Körpələr üçün parlaq şəkilləri və kiçik mətnləri olan kitablar uyğundur. Məktəbəqədər uşaqlar və aşağı sinif şagirdləri üçün isə böyük hərflərlə tərtib olunmuş maraqlı hekayələrə üstünlük verin.
2.Maraq dairəsi: balacaların hobbilərinə uyğun, onları həvəsləndirəcək seçimə yönəlin! Bu heyvanlar aləmi haqqında, macəralarla zəngin və bir çox valehedici kitablar ola bilər.
3. Mövzuların və sualların mübadiləsi: bu variantla uşaqların dünyagörüşünü genişləndirməyə nail ola bilərik. Müxtəlif tarix, mədəniyyət, elmi və ənənəvi mövzuları əhatə edən materialları mutaliə etmək övladlarınızın iç dünyasına zənginlik qatacaq.
4.Dil səviyyəsi: mətnin mürəkkəbliyini uşağın yaşına uyğunlaşdırmaq vacib məqamdır.Qəliz dildə yazılmış ədəbiyyat yorucu olmaqla bərabər, uşaqları həvəsdən salar. Ancaq çox sadə mətnlərlə də məhdudlaşmayın ki, uşağın söz ehtiyatını genişləndirmək imkanı olsun. Qızıl ortanı saxlamağa çalışın.
5.Şəkillər və illüstrasiyalar: xüsusilə kiçik uşaqlar üçün vacibdir. Canlı illüstrasiyalar oxumağı daha əyləncəli etməklə hekayələri vizuallaşdırmağa kömək edir. Eyni zamanda, artıq özü oxuya bilən, nisbətən böyüklər üçün daha çox mətn yönümlü kitablar seçə bilərsiniz.
6.Rəylər və Tövsiyələr: digər valideynlərin, müəllimlərin və ekspertlərin rəyləri köməkçi və əhəmiyyətli vasitə ola bilər.
7.Janrların müxtəlifliyi: nağıl və macəradan tutmuş, elmi fantastika və sənədli ədəbiyyata qədər tanışlıq ədəbi təcrübənin genişlənməsində əvəzsizdir.
Nəticə: kitab oxumaq övladlarımızın inkişafı və ədəbi tərcihlərinin formalaşmasında olduqca mühüm nüansdır. Unutmayın ki, oxumağa maraq uşaqlıqdan başlayır və düzgün seçim bu prosesin əyləncəli və faydalı olmasına kömək edəcək.
